Facebook Pixel
Skip to content

Cyngor i fusnesau adeiladu canolig ynghylch Cronfa Sgiliau a Hyfforddiant CITB (yn cau 30 Medi 2025)

Ar y dudalen hon:

Newidiadau i gyllid

Rydym yn symleiddio'r ffordd y mae busnesau'n cyrchu cyllid hyfforddiant drwy symud i un llwybr. O 30 Medi 2025, bydd y Gronfa Sgiliau a Hyfforddiant yn cau. Bydd Rhwydweithiau Cyflogwyr yn dod yn unig sianel ar gyfer datblygu busnesau ymhellach.

Bydd ceisiadau a dderbynnir ym mis Medi 2025 yn defnyddio telerau talu newydd; bydd cyllid yn cael ei dalu pan fyddwch wedi cwblhau eich cytundeb.

Bydd y cynllun grantiau yn parhau i redeg i gefnogi hyfforddiant craidd ym maes adeiladu.

Gellir dod o hyd i ragor o wybodaeth yma:

Rhwydweithiau Cyflogwyr

Mae Rhwydweithiau Cyflogwyr yn cynnig hyfforddiant a chymorth ariannol pwrpasol, hawdd ei gyrchu. Maent yn rhoi sianel uniongyrchol i chi gyfleu anghenion hyfforddi a chynghori ar sut y dylid blaenoriaethu cyllid yn eich ardal leol.

Beth am ymuno â'n Rhwydweithiau Cyflogwyr i gael mynediad at gymorth a chyllid wedi'u teilwra ar gyfer y sgiliau sydd eu hangen arnoch i lwyddo. Cliciwch yma i gael gwybod mwy.

Ar gyfer beth y mae’r gronfa hon?

Rydym yn cefnogi busnesau canolig eu maint gyda hyd at £25,000 i uwchsgilio eich staff ar gyfer y dyfodol.

Gellir defnyddio’r arian ar gyfer hyfforddiant arwain a rheoli neu adeiladu a fydd yn diwallu anghenion eich tîm. Yn y pen draw, bydd mabwysiadu sgiliau newydd yn eich galluogi i wneud y gorau o arbedion effeithlonrwydd a pharhau i ehangu eich refeniw, gyda thîm llawn cymhelliant sy’n barod at y dyfodol.

Pwy all wneud cais am gyllid?

Byddwch yn gymwys i wneud cais os yw’r canlynol yn berthnasol:

  • Mae gennych rhwng 100 a 250 o staff sy’n cael eu cyflogi’n uniongyrchol ar eich cyflogres
  • Rydych chi'n gyflogwr cofrestredig gyda CITB ac yn gyfredol gyda'ch Ffurflenni Lefi
  • Mae unrhyw brosiect blaenorol a dalwyd amdano gan y Gronfa wedi'i lofnodi fel un wedi'i gwblhau

Noder, bydd y Gronfa Sgiliau a Hyfforddiant yn cau ar 30 Medi 2025 felly rhaid derbyn ceisiadau cyn y dyddiad hwn. Bydd ceisiadau a dderbynnir rhwng 01 Medi a 30 Medi yn cael eu talu ar ôl cwblhau a thystiolaeth o hyfforddiant.

Faint allwch chi wneud cais amdano?

Gallwch wneud cais am gyllid sy’n ymwneud â faint o weithwyr uniongyrchol sydd gennych chi:

  • Gall cyflogwyr sydd â rhwng 100 a 149 o staff sy’n cael eu cyflogi’n uniongyrchol dderbyn hyd at £15,000
  • Gall cyflogwyr sydd â rhwng 150 a 199 o staff sy’n cael eu cyflogi’n uniongyrchol dderbyn hyd at £20,000
  • Gall cyflogwyr sydd â rhwng 200 a 250 o staff sy’n cael eu cyflogi’n uniongyrchol dderbyn hyd at £25,000.

Noder, os yw eich cais yn llwyddiannus, y swm cyllid a ddyfernir yn eich e-bost canlyniad yw'r uchafswm sydd ar gael. Ni allwn ddarparu unrhyw gyllid ychwanegol y tu hwnt i'r swm hwn.

Pa mor aml allwch chi wneud cais?

Bydd y Gronfa Sgiliau a Hyfforddiant yn cau ar 30 Medi 2025 felly rhaid derbyn ceisiadau cyn y dyddiad hwn. Dim ond 1 prosiect byw y gallwch ei gael ar y tro.

Cyn i chi wneud cais

Gwnewch yn siŵr eich bod wedi darllen a deall y dogfennau hyn:

Dylech hefyd drafod eich cais gyda’ch Cynghorydd CITB lleol. Bydd yn fodlon helpu a sicrhau eich bod wedi llenwi eich ffurflen gais yn gywir.

Sut mae gwneud cais

  1. I wneud cais, llwythwch ffurflen gais y Gronfa Sgiliau a Hyfforddiant (Excel, 340KB) i lawr a’i chadw.
  2. Llenwch bob maes, a chadw’r ffurflen yn rheolaidd i atal colli data.
  3. Cadwch ac anfonwch y ffurflen wedi’i llenwi at skills.training@citb.co.uk.

Gwnewch yn siŵr bod y gweithgaredd hyfforddi a nodwch yn digwydd rhwng nawr a mis Hydref 2026, ac nid yn y gorffennol. Ni allwn ariannu gweithgaredd ôl-weithredol.

Gwnewch yn siŵr hefyd fod eich darparwr hyfforddiant wedi'i gymeradwyo i gynnig yr hyfforddiant rydych chi wedi'i ddewis.

Beth fydd yn digwydd nesaf?

Asesu ceisiadau

Bydd y tîm Sgiliau a Hyfforddiant yn adolygu pob cais ar ddiwedd pob cyfnod cyflwyno (fel arfer ar ddiwedd pob mis calendr).

Dylech dderbyn penderfyniad gennym drwy e-bost erbyn diwedd y mis calendr nesaf ar ôl cyflwyno eich cais. Er enghraifft, os byddwch yn gwneud cais unrhyw bryd yn ystod mis Gorffennaf, byddwn yn anelu at gyfleu penderfyniad erbyn diwedd mis Awst (yn dibynnu ar nifer y ceisiadau). Byddem yn gwerthfawrogi pe na fyddwch yn gofyn am ymateb o fewn y cyfnod hwn a byddwn yn eich hysbysu o'r canlyniad cyn gynted â phosibl.

Penderfyniadau ynghylch cais

Byddwn yn adolygu ac yn sgorio pob cais yn erbyn meini prawf y Gronfa Sgiliau a Hyfforddiant ac yn eich hysbysu o'n penderfyniad.

Cymeradwyo:

Os bydd eich cais yn bodloni meini prawf y Gronfa Sgiliau a Hyfforddiant, caiff ei gymeradwyo a’i brosesu i’w dalu. Byddwch yn derbyn e-bost gyda rhestr daliadau.

Bydd taliadau’n cael eu gwneud bob chwarter, ar yr amod bod digon o dystiolaeth bod hyfforddiant yn cael ei gwblhau ar garreg filltir pob taliad.

Gwrthod:

Mae’n bosibl y caiff eich cais ei wrthod os yw’r canlynol yn berthnasol:

  • Nid yw eich cais yn bodloni meini prawf y Gronfa Sgiliau a Hyfforddiant
  • Nid ydych chi wedi cyflwyno eich ffurflen Lefi ddiweddaraf
  • Rydych chi ar ei hôl hi gyda’ch taliadau Lefi

Byddwn yn rhoi gwybod i chi pam rydym wedi gwrthod eich cais neu byddwn yn cyfleu hyn drwy eich Cynghorydd CITB. Gan fod y gronfa ar fin cau, ni ellir ailgyflwyno ceisiadau ar ôl 30 Medi.

Monitro a chwblhau hyfforddiant

Ar ôl i’r taliad cyllid gael ei gymeradwyo, gallwch ddechrau eich gweithgaredd hyfforddi.

Byddwch yn cael eich talu bob chwarter, a bydd angen i chi gyflwyno tystiolaeth o’r gwariant cyn y bydd taliad pellach yn cael ei ryddhau.

Mae’n bwysig eich bod yn cadw pob anfoneb, i ddangos bod yr hyfforddiant wedi cael ei gynnal. Fel rhan o’ch cytundeb cyllido, byddwch yn derbyn e-bost atgoffa yn gofyn am dystiolaeth o wariant bob chwarter.

Dylid anfon eich tystiolaeth wedi’i chasglu at skills.training@citb.co.uk cyn pen 28 diwrnod i dderbyn yr e-bost. Os ydych chi’n cael trafferthion cwblhau eich rhaglen hyfforddi, cysylltwch â ni.

Beth sy'n digwydd os bydd amgylchiadau'n newid?

Os oes angen i'ch busnes wneud newid i'ch hyfforddiant cymeradwy, cysylltwch â skills.training@citb.co.uk cyn gynted â phosibl. Noder, ni allwn gynnig cyllid ychwanegol y tu hwnt i'r hyn sydd eisoes wedi'i ddyfarnu.