Cronfa Datblygu Rheolaeth ac Arweinyddiaeth ar gyfer busnesau mawr
Ar y dudalen hon
Trosolwg
Gall CITB eich helpu i gael hyd at £100,000 o gyllid ar gyfer hyfforddiant i wella eich busnes.
Mae’r Gronfa Datblygu Rheolaeth ac Arweinyddiaeth ar gyfer busnesau mawr yn gronfa anghystadleuol. Bydd yn galluogi cwmnïau adeiladu mawr (â dros 250 o staff a gyflogir yn uniongyrchol) i fuddsoddi mewn datblygu sgiliau arwain, rheoli neu oruchwylio eu gweithlu.
Bydd y gronfa yn cefnogi ystod eang o weithgareddau datblygu arweinyddiaeth a rheolaeth, gan gynnwys rhaglenni hyfforddi allanol neu fewnol, cymwysterau arweinyddiaeth cydnabyddedig, datblygu cynnwys newydd neu welliannau i adnoddau hyfforddiant arweinyddiaeth pwrpasol presennol.
Rhaid i unrhyw hyfforddiant neu weithgaredd cysylltiedig ganolbwyntio ar ddatblygu sgiliau rheoli, arwain neu oruchwylio. Dylid anelu hwn at gynrychiolwyr y mae eu prif rôl yn rheolwr, arweinydd neu oruchwyliwr, neu rywun sy’n cael ei ddatblygu i gamu i’r rôl honno yn y dyfodol agos.
Nid yw’r gronfa hon yn cefnogi unrhyw weithgaredd a ariennir eisoes o dan y cynllun grant neu lwybrau ariannu eraill.
I wneud cais, rhaid i chi fodloni'r meini prawf canlynol:
- Mae angen i'ch busnes gael o leiaf 250 o weithwyr uniongyrchol
- Bydd angen i chi fod wedi cyflwyno eich Ffurflen Lefi ddiweddaraf
- Rhaid i daliadau lefi y flwyddyn gyfan fod yn gyfredol
- Un cais yn unig fesul busnes cysylltiedig (gweler y Nodiadau canllaw (PDF, 191KB) am esboniad pellach)
Ddim yn bodloni'r meini prawf?
Efallai y bydd hyfforddiant Rheolaeth ac Arweinyddiaeth ar gael i chi o hyd, hyd yn oed os nad ydych chi'n bodloni'r meini prawf ar gyfer y gronfa hon.
Ewch i'n tudalen wefan am ragor o wybodaeth. Hyfforddiant Rheolaeth ac Arweinyddiaeth gyda CITB.
Beth yw manteision y Gronfa Datblygu Rheolaeth ac Arweinyddiaeth ar gyfer fy musnes?
Mae’r Gronfa Rheolaeth ac Arweinyddiaeth yn gynnig hyblyg a all helpu i gyfrannu at eich costau hyfforddiant rheoli ac arwain, gall eich helpu i wella rhaglen sy’n bodoli eisoes, datblygu un newydd, rhoi cynnig ar ddull darparu newydd neu ailadrodd rhaglen hyfforddi bresennol i garfannau newydd.
Bydd y cyfle ariannu hwn yn eich galluogi i gyflwyno hyfforddiant i'ch tîm, yn seiliedig ar eich anghenion busnes yn unig.
Am faint allwch chi wneud cais?
Mae swm y cyllid y gallwch wneud cais amdano yn cael ei bennu gan gyfanswm y staff uniongyrchol (TWE) a gyflogir ar draws yr holl fusnesau cysylltiedig mawr yn eich grŵp.
Maw’r hawliau fel a ganlyn:
- 250-499 hyd at £50,000
- 500-999 hyd at £75,000
- 1,000 neu fwy hyd at £100,000
Trafodwch unrhyw ymholiadau ynghylch eich hawl i gyllid â’ch Ymgynghorydd CITB.
Pryd allwn ni wneud cais?
Rydym yn derbyn ceisiadau i'r gronfa ar hyn o bryd.
Sylwch: Os byddwch yn llwyddiannus, rhaid i’r cyllid gael ei ddefnyddio a hynny â thystiolaeth o fewn 18 mis i ddyddiad y cytundeb i ariannu, neu erbyn mis Mawrth 2027 (pa un bynnag sydd gyntaf.) Ni all gweithgaredd a ariennir ddechrau tan ar ôl i benderfyniad i ariannu llwyddiannus gael ei gyfleu. Nid oes modd ariannu gweithgarwch ôl-weithredol.
Sut i wneud cais
Cwblhewch Ffurflen Gais y Gronfa Rheolaeth ac Arweinyddiaeth 2024 (Word, 188KB) a dilynwch y camau hyn:
- Lawrlwythwch y ffurflen gais a'i chadw ar eich cyfrifiadur
- Cwblhewch bob maes, gan arbed yn rheolaidd ar hyd y ffordd i atal colli data
- Sicrhau bod pob gweithgaredd hyfforddi yn y dyfodol ac nid yn y gorffennol. Ni allwn ariannu gweithgarwch ôl-weithredol
- Arbedwch ac anfonwch y ffurflen wedi'i chwblhau i L&MFund@citb.co.uk
Bydd eich Cynghorydd CITB Lleol yn hapus i'ch cefnogi.
Gwyddom mai gweithlu eich busnes yw’r ased pwysicaf ar gyfer llwyddiant. Gall ein Cronfa Rheolaeth ac Arweinyddiaeth baratoi eich busnes i gwrdd â heriau yfory. Gwnewch gais heddiw.
Beth sy’n digwydd nesaf?
Asesu ceisiadau
- Dylech dderbyn penderfyniad gennym ni (drwy e-bost) ar ôl i bob rownd asesu ddod i ben
- Bydd tîm CITB yn adolygu ac yn asesu pob cais. Mae'r meini prawf a'r broses wedi'u nodi yn y nodiadau canllaw.
Penderfyniadau ynghylch cais
Cynhelir asesiadau ar ddiwedd pob mis a chaiff penderfyniadau ariannu eu cyfleu cyn gynted ag y bydd pob rownd asesu wedi'i chwblhau. Os nad ydym wedi gallu cymeradwyo eich cais, byddwch yn cael eich hysbysu ac yn cael y cyfle i adolygu eich rhaglen i gyd-fynd ag amcanion y gronfa.
Monitro a chwblhau
Ar ôl i'r cytundeb ariannu gael ei lofnodi gallwch ddechrau eich prosiect hyfforddi. Rydym yn deall y gall amgylchiadau newid. Dylid cyflwyno cynigion i newid eich gweithgaredd a ariennir yn ysgrifenedig i L&MFund@citb.co.uk a chânt eu hystyried fesul achos (lle mae newid eithriadol mewn amgylchiadau).
Byddwn yn cytuno ar drefniadau monitro a gofynion tystiolaeth gyda chi. Cofiwch gadw tystiolaeth o'r holl anfonebau a thystysgrifau gan y bydd angen i chi gyflwyno'r rhain i CITB i ddangos bod y gweithgaredd a ariannwyd wedi digwydd.
Cyhoeddusrwydd a Chyfathrebu
Efallai y byddwn am gyhoeddi manylion eich prosiect ar ein gwefan unwaith y bydd cyllid wedi'i gymeradwyo.
Mae’n bosibl y byddwn yn gofyn am gael gweithio gyda chi i ddatblygu datganiadau i’r wasg, astudiaethau achos neu fideos hyrwyddo yn ymwneud â’ch prosiect naill ai yn ystod cyflwyno’r ddarpariaeth, neu ar ôl ei gwblhau.
Gwerthusiad
Mae gwerthuso yn rhan orfodol o'r gronfa hon. Bydd gofyn i chi gynnwys sgorau perfformiad busnes cyfredol a tharged yn eich cais. Byddwn yn cysylltu â chi unwaith y bydd eich rhaglen wedi'i chwblhau i werthuso a yw eich sgorau targed wedi'u cyflawni. Bydd cyfranogwyr hefyd yn cael eu dewis ar hap a gofynnir iddynt roi adborth e.e. trafodaethau grŵp, holiaduron ariannu neu gyfweliadau adborth.
Cefnogaeth bellach ar gyfer hyfforddiant Rheolaeth ac Arweinyddiaeth
Ar wahân i'r gronfa newydd hon, mae gan CITB gynigion pellach sydd ar gael i fusnesau o bob maint.
Cyrsiau byr - Fframwaith newydd sy'n helpu pob cyflogwr sydd wedi cofrestru ar gyfer ardoll i gael mynediad at hyfforddiant Rheolaeth ac Arweinyddiaeth safonol a throsglwyddadwy trwy gyfres o gyrsiau byr.
Cymhwyster C-ILM – Yn darparu 10,500 o gyrsiau arweinyddiaeth a rheolaeth ILM am ddim i reolwyr rheng flaen, goruchwylwyr safle a rheolwyr safle yng Nghymru, Lloegr a'r Alban.
I gael gwybod mwy, ewch i’n tudalen wefan Hyfforddiant Arweinyddiaeth a Rheolaeth gyda CITB